屋宇署將小型工程分為八個分類，分別為：

A 加建改建

B 修葺工程

C 招牌工程

D 去水工程

E 適宜工程

F 飾面工程

G 清拆工程

H 通風工程

小型工程承建商須要確保自己個牌有嗰個分類先可以做嗰個項目，即係假設你個牌係C類(做招牌)，你唔可以做D類 (去水渠)。

屋宇署將小型工程分為三級，分別為：

一級小型工程承建商

二級小型工程承建商

三級小型工程承建商

一級小型工程承建商最高級，可以做最複雜及危險性最高嘅小型工程項目。

二級小型工程承建商屬於中級，可以做複雜性及危險程度中級嘅小型工程項目。

三級小型工程承建商屬於最低級，可以做簡單同無乜危險嘅小型工程項目。

小型工程承建商須要清楚自己個牌屬於邊級，二級牌唔好做一級嘅小型工程，三級牌只係可以做返三級小型工程。

第一件事係確保你做嗰個項目係邊項小型工程，睇清楚係一級、二級定三級，同埋係邊個類別。之後係睇吓你個牌做唔做得。

如果係三級小型工程就比較簡單，最主要有足夠事前相，跟住屋宇署指引去做，做完之後14日內入 MW-05 報完工。

如果係二級小型工程就要留意盡快準備事前相同埋圖則，盡快入 MW-03 報開工，等夠最少7日先可以開工，當然都係跟足屋宇署指引做，做完之後 準備事後相、圖則同埋所需文件及證書，14日內入MW-04報完工。

如果係一級小型工程就記住要先請建築師AP，(涉及結構就要請埋結構工程師 RSE) 由佢睇過出好圖，之後連埋事前相入 MW-01，等足 7日先好開工。另外留意需要入監工計劃書 Site Supervision Plan，即係準備 T1 及 T3。至於完工圖則、事後相同所需證書等就最好跟住AP要求，因為唔同項目會有唔同，最後都係完工14日內入MW-02報完工。

冷氣散熱、大型風喉、改動窗門、室內起牆、石屎剝落、清拆僭建、室內樓梯。

冷氣散熱、外牆梗篷、伸縮簷篷、改動窗門、石屎剝落、清拆僭建、天台花棚、太陽能板。

外牆水渠、外牆瓦仔、冷氣散熱、外牆梗篷、石屎剝落、清拆僭建、防護圍欄、天台花棚、天台設備、入口鐵閘、大廈水箱、太陽能板。

室內磚牆、升高地台、冷氣散熱、大型風喉、大型風櫃、裝防火閘、落地玻璃、門面招牌、清拆僭建、整食物𨋢。